Преподобный Димитрий Прилуцкин, Вологодский чудотворец

Врачует разные немощи

Сын богатого переяславского купца, Димитрий в юности постригся в городском Свято-Троицком монастыре и рано получил священный сан. Был духовным другом и собеседником прп. Сергия Радонежского, сооружавшего тогда близ Радонежа свою обитель. Прп. Димитрий построил на берегу Плещеева (г. Переяславль) озера церковь свт. Николая, а при ней Никольский монастырь и стал его игуменом.

Позднее святой удалился в вологодские леса и основал храм Всемилостивого Спаса и общежительный монастырь. Последней преподобный воздвиг Прилуцкую обитель.

По преставлении св. Димитрия погребли в монастырской церкви. У гроба его совершались чудеса и различные исцеления. Так, когда Вологду постиг мор, многие больные исцелились при гробе его.

Тропарь преподобному Димитрию, глас 1-й:

Свыше от Бога, преподобие, благодать приял еси духовную, и от Него убо познался еси, блажение. Того ради и ты духом познал еси лучшая Его, будущаго века пребывание, и постнически испытався во своих обителех, и ныне со ангелы ликовствуя, Спасу всех за ны молися, святе Димитрие, да вся вопием: слава Давшему ти крепость, слава Венчавшему тя, слава Действующему тобою всем исцеления.

Кондак, глас 8-й:

От юности, преподобие, крест твой взем. Христу последовал еси, в молитвах и пощениих, во бдениях же и злостраданиих плоть твою изнуряя. Тем же и Всевидящее Око, твоя труды видев, чудесы тя прославляет и всех звати тебе научает: радуйся, преподобие отче Димитрие, постников удобрение.

Молитва

О, священная главо, предивный чудотворче, преподобие и богоносне отче наш Димитрие! Усердно припадающе к тебе, молимся: яви Нам, смиренным и грешным, многомощное твое заступление. Се бо грех ради наших не имамы дерзновения ко Господу проекта Его даров, нам благопотребных, но тебе, молитвенника к Нему благоприятнаго, предлагаем и просим: испроси нам у благости Его вся, яже на пользу душам и телесам нашим: веру праву, надежду несомненну, любовь нелицемерну, во искушениих мужество, в злостраданиих терпение, в молитвах постоянство, в благочестии преуспевание, вожделенное здравие, земли плодоносив, воздуха благорастворение, дожди благовременны, житейских потреб довольство, мир во днех наших и благословение свыше на вся благая дела и начинания наша, и да не во зло обратим дары Его, но в славу имене Его святаго и в прославление твоего о нас ходатайства.

Испроси, угодниче Христов, у Царя царствующих и Господа господствующих всем православным христианам здравие, долгоденствие, на вра­ги же победу и одоление, и всей стране Российской тишину и благостроение. Не забуди, чудотворче святый, милостивно присещати град твой и обитель твою, и вся грады и веси страны нашея православный, сохраняя и соблюдая их молитвами твоими от всякаго зла. Помяни всех, веру и любовь к тебе имущих, имя твое молитвенно призывающих, и вся во благих прошения их милостиво исполни, осеняя их свыше святоотеческим твоим благословением. Ей, святче Божий! Не лиши и нас грешных твоего многомощнаго заступления, но сподоби нас кончину жития благую улучити и Царствие Небесное унаследити: да воспоем и прославим дивнаго во святых Своих Бога нашего, Отца, и Сына, и Святаго Духа во веки веков. Аминь.